Við eigum gott úrval af góðum hrossum til sölu.
Ólöf frá Austurkoti
Ólöf er efnileg fimmgangshryssa með aðaleinkunn í kynbótadómi 7,96 árið 2019 en allar líkur eru á því að hún fari í góð fyrstu verðlaun á þessu ári.
Ólöf er stór 146cm á herðar og hentar reiðfólki með keppni eða ræktun í huga. Það er hægt að fá Ólöfu fylfulla við draumastóðhestinum þínum ef áhugi er á því.
Ellen frá Austurkoti
Ellen er mikið fjórgangsefni fyrir reiðfólk sem er duglegt að þjálfa og langar að vinna með efnivið sem getur skilað sér í toppbaráttu í sportinu. Ellen er stór, 145cm.
Þerna frá Austurkoti
Þerna er lofandi fimmgangsmeri með gott geðslag og auðveld að vinna með. Þerna hefur áhugaverðar ættir, er undan Stegg frá Hrísdal sem er Orra sonur og Draumsýn sem á Orra að langafa í föðurætt.
Heiða frá Austurkoti
Heiða er 12 vetra gömul, 137cm á herðar, há og glæsileg skeiðmeri sem þegar hefur náð árangri í skeiðkeppnum, þar á meðal í 100m með ungan knapa, 15 ára, með tímann 7.90.
Þessi fallega hryssa hefur vel aðskildar gangtegundir sem auðvelt er að kalla fram á öllum hraða við mismunandi aðstæður. Heiðu er auðvelt að leggja, hún er þægilega næm og viljug en algerlega í hendi. Heiða hefur náð eftirfarandi árangri, PP1: 6.88 - 150m: 15.77 - 250m: 24.44 og 100m: 7. 90 með 15 ára knapa. Við sjáum Heiðu sem gott reiðhross fyrir vant fólk sem hefur áhuga á skeiði og annarri keppni. Einföld, örugg, hraðskreið og afar kurteis með jákvætt hugarfar.